事隔兩個月，由一個長期實習中的學生，眨眼間已是一個等旅行、等畢業、等注冊、等工作通知、等到新大學上課的一位學生。
兩個月中過了我九龍西最後的實習、CGAS&小兒科HONEY MOON、中醫筆試、HA interview，學生生涯最重要的已過去，還有未來30多年的職業生涯，我能夠從一位小護士成長為一位經驗十足、臨危不亂的護士嗎?
我常常問自己，不夠經驗的我，真的能夠練成一身好武功?
題外話: 為了去旅行（又再找藉口），新買了EPL-2。
目前還在研究中，特意買了書來看看，奧林巴斯所舉辦的攝影課也報名了。期待阿，期待阿~
Year 3 Sem 2 Wk 1咁就過佐，依個學期一至五都實習，星期六要返去上中醫，真係得閒死唔得閒病。
星期六朝早約佐小玉妻去Starbucks歎返杯熱朱古力慰勞下自己再返去print notes上堂。
我未上過4個鐘既lecture，個lecturer話4個鐘其實都唔夠佢教，但到落堂果一刻我真係想叫佢收皮，佢頭三個半鐘係度吹水，最後個半個鐘先講正題飛powerpoint，依d日子點捱阿......
完佐堂吹水中醫，就去食頹到爆既開sem飯，突然覺得學校食飯真係太抵.....
大大碟都係廿四蚊咋
食 唔夠一個鐘就去聽PT Degree既orientation，剩係credit transfer就要佐我三千幾銀，不過之後每個credit有schoolarship，而且唔想過海讀書，加上今年FYP轉佐形式，可以唔駛落手落腳 formal咁做出黎，又有熟稔、effective既同學仔陪，都係會留返係紅磚大學到讀算。
有同學仔計過條數，依個nursing degree比起full time4年既BSN係平少少少少既:
PT degree2年讀78 credits, 18個free, 24個cre. transfer, 78-18-24 = 36 cre.; $2500/cre., 學費 = 36 x 2500 = $90000; GPA>2.7有scholarship $630/cre. = 36 x 630 = $22680; 減左scholarship: 90000 - 22680 = $67320; cre. transfer: $145/cre. = 24 x 145 = $3480; 淨呢2年學費= 67320 + 3480 = $70800!!!! 計埋呢3年交既學費: $31575(yr1) + $31575 (yr2) + $15928(yr3 sem1) + $3157(yr3 sem2) = $82235; 即係讀一個nursing degree就用左: $82235 + $70080 = $153035 =____=
事隔個多月沒有更新部落格，內科的實習已完結，也在那兒考了我的實習試，算是有驚無險地渡過了，五星期就這樣過了。
對那個沒有什麼不捨之情，因為那兒的環境及人事算不上是好的。他們同事之間很冷漠、勢利，流失率高，連那個新畢業被借調過來的姑娘被多次問及會否留在那兒，她的答案都是否定的，很明顯證明那兒不是一個工作的好地方。
結束了五星期的地獄實習，去到了相對來說是天堂的骨科病房。
三分之一的精神科實習係hea-ing中渡過佐，雖然得一個星期，但真係有唔少experiences，當然有好有唔好啦。
三個星期入面，會去兩個病房，分別係收症房同埋復康病房，同埋一日CPNS遊。
這 個半星期我同其他4位同學仔被分配到復康病房先，這4日可以話係我出實習以黎最悶既4日。因為依一個係復康病房，九成九既病人係食緊藥，「病情」係穩定 既，大多數其實都係同一個街上既成年人無咩分別，再加上精神科既藥物都係抑制佢地既精神狀態，唔係坐就係就黎訓著咁，一D好活躍既都係行黎行去，傾下偈 咁，而佢地大部分生理上係無毛病，只係精神上被判有問題，所以我覺得似監倉多過似病房，姑娘似獄卒多過護士。
點解我會覺得佢地唔係好似護士 呢?正常洗傷口要Aseptic Technique(無菌操作)，就算有d staff做到好省手都會有依個principle存在，有sterile field分到出黎，但我依兩日見到佢地洗個院友既pressure sore(壓瘡)，sterile野可以用手掂，掂完既野擺返落個兜到，乾淨同唔乾淨都已經分唔到，依個情況無分fresh grad定係senior都好，我睇到O哂嘴。心諗:精神科護士就可以唔理依D?剩係識派藥、叫病人唔好嗌、educate病人既病情、叫佢地承認自己有 病?佢地真係似打份工。雖然我都係打份工，但知咩係harmful to patient咩係good to patient，可能我4日入面真係睇唔哂，我我依4日既experience就係依d。
係mentor講解緊俾education俾院友 既時候，要叫佢地認自己有病，我覺得好矛盾，同埋心諗點解你會覺得佢地坐部都有病?可能真係受既訓練唔同，佢地係學徙出身，著重skills、 pratical既方面多。我記得係讀health sociology果時，個tutor講起professional dominance時候，就話其實好多新病、精神、心理上既問題都係d醫學界安上去，忽略佐社會因素，有d其實唔係有病，只係為佐有病醫去整個病出黎。今 日，放工果時，同同學仔係車上面討論大家各自病房發生既事，佢話有個病人只係drug abuse，被人送佐入黎，照計佢係7日就可以再被評估，無問題就可以出返院，但同學仔係無野做既情況下同佢傾偈得知，每次醫生黎問佢野果時都好緊張，個 醫生就話佢有anxiety、情緒唔穩定，出唔到院，要再留7日，搞到佢驚份工會無佐，我同學仔覺得佢可能有排都出唔到去，因為d護士、醫生同病人既接觸 真係好少，根本就唔似得我地依d無聊人咁同到佢地成日傾偈。我個病房都有幾個病人住佐十幾廿年，依d人根本出返去都好難生存到。其實，我覺得有d病人係唔 駛住都變佐要住。
果4日之外，有一日跟精神科社康護士(CPNS)出地區visit，我覺得佢地好過病房d姑娘，雖然要出街，但同病人既接 觸多d。可能我跟果個係一個好既CPN，我睇到護士既熱誠，好過係病房做站長。係visit入面去佐我未去過既hostel、shadow workshop，係一個好好既經歷。
希望係剩返既兩個星期可以俾我睇到精神科護士特別既一面。
黎到第三個星期，開始為期15天的精神科實習。
點解BLOG既TOPIC係「打亂節奏精神科」?佢打亂既唔係精神科病房入面既節奏，佢地反而相當有節奏地生活，定時定候跟住時間表做野。
我指既打亂節奏係佢打亂佐我辛苦地係Holiday Mood調節返黎做野既節奏，依家咩routine都無，最多係得血壓同沖涼，其他時間係hea，三個星期後返返普通科病房既我又要辛苦適應一次。
其實正確黎講，唔可以話係hea，只不過係同病人傾偈、做手工藝咁就一日。真係幾悶，不過，傾傾下偈就真係同到病人建立關係。
好 似今日下半場係病房入面，我同d病人坐係一個手工藝勞作既地方，初時大家都無乜點講野，氣氛實在太沈靜，為免姑娘見到我地成為病人剩係做手工藝，只係諗到 食野可以作為安全話題，我就開始問下佢係屋企果時會唔會煮野食，咁講講下又講下仔女、兒孫d日常生活，咁就放工.....
能夠坐埋一齊傾偈都叫做stable既病人，有d唔會行埋黎，坐埋一個角落頭咁，我真係唔知行埋去可以講d咩，睇黎阿sir講得無錯，黎依度可以訓練我地既communication skills。
一行入精神科醫院，總係覺得行過身邊而又無職員症既人，十有九八係精神病人，少見多怪既我咁就搞到自己神經緊張一整天。
兩個星期的老人科實習咁就完佐，次次都係熟手先黎走。點都好，終於結束早兩粒鐘返去換衫然後做細佬野既生活。
琴日 朝早take obs時，平時好活躍，活躍到會反抗既阿伯竟然任我量佢血壓，果時心諗有d唔對路，再度埋個SpO2，得返六十幾，BP又度唔到就即嗌姑娘，姑娘就駁 CARDIAC MON、戴100%O2 MASK，但見有簽DNR，就無插喉急救，打電話俾佢孫女，第一個就話反口，唔同意張DNR，咁姑娘就做返野，急救返，打俾第二個孫女叫佢黎睇果時，佢話 立即到，點知等極都唔見人果時再打去，就話仲係青馬大橋搭緊巴士，心諗，唔係阿化，仲搭巴士，阿伯都唔知等唔等到你黎。半個鐘急救，話咁快就過佐，我同4 位同學都有接手搓，但阿伯都係返魂無術。
後尾，過佐差唔多兩粒鐘，佢D屋企人先黎到，無乜特別咁，剩係執阿伯D野就走人。
老人科雖然HEA，但係可以話係見到人情冷暖既好地方。
有D老人家既屋企人日日黎，有D就留個假電話，有D雖然留電話但打去就直接話唔駛搵佢，希望第時老佐個時有個好SUPPORTIVE既屋企啦。
A Shift，搭一程N車就用佐25蚊，好彩只係係度兩個星期，搭兩次N車，如果唔係真係頭兩個星期都破哂產。
第 二日，比琴日更加熟悉routine，有個hku既同學仔同一更，初時都有d交流，但其他返D既hku同學仔返黎之後，又變返hku、pu兩堆人。其 實，pu依堆人都係得我同L小姐。雙e醫院係港島，自然係hku地頭，好多staff都係hku，搞到我同L小姐有一種格格不入既感覺。
今日我同L小姐做哂大部分routine，佢地就有阿sir講書，雖然我地倆個係我臨放工既時候都有去聽阿sir講書，但係唔知點解感覺就係唔同....好掛住UC既志剛同廣華既FOON SIR，鐘意佢地講書既感覺。
聽日PA更，可以試下雙E既PA房同慳返兩程車錢。
為期4個月的畢業實習終於開始，住新界東的我第一間醫院是去港島雙E醫院，進行老人科兩星期的實習。
事因早在16號已特意叫我們去ORIENTATION，回去就開始落病房開工。
這一間非緊急醫院，病人不是很多，相對地人手及資源也不是很多，工作也沒什麼，都是ROUTINE，還是HOLIDAY MOOD的我回到去，加上環境、氣氛，整個人都懶洋洋的，不過也熟悉了病房的環境，工作流程等等。
這星期的APA更，不知是福是禍，未試過返學要搭N車.......
希望明天順順利利又過一DAY
完成Placement，未到考試的自動Day Off日子，照例睡到日上三竿。今早就被餵食小妹的短訊叫醒，一看才知道最後一個學期已出了時間表，其實我這一科，要看的只是星期六，因為一至五已經被實 習佔據著，為了時間表，就起床梳洗，再沖了一杯熱巧克力迎接這悠閒的一天。
開了電腦，網絡大塞車，五分鐘才看到我的時間表，學院又耍了我們一次，整個早上到下午一時都要上中醫，這令到我想起不久前才發放的實習Allocation List。
小妹我十分「幸運」地被分派去五間醫院，住在馬鞍山的我，要去銅鑼灣、葵涌、荃灣等等離家很遠的醫院，我只可以說被學院耍得最甘的一次，也是最後一次。Shift duty、星期六上午，這樣的日子可以說是斷六親及斷米路，
有同學因為這樣，而特意製作了一段短片，他在希特拉的短片中，引用了很多同學的例子，有同學真的被發配邊疆、充軍塞外，短片中有一句「果度連牛都有」，看到這兒我真的笑了。住新界東被分配到港島的我，看完那短片真的感同身受，無奈我們只有接受。
工作地點無論對學習還是工作都有很大影響，A shift要五時多出門口的日子，應該會在我未來五個月的Shift duty、星期六上午的是斷六親及斷米路日子不斷出現。
今日Programme Leader Meeting之後，突然覺得Long Con真的離我很近，而我在數月後也會成為一個RN。
Long Consolidation的十二個星期實習中，會去5間醫院，幸好不是全都在港島，否則那未來的3個月就會短暫性地做一個遊子，難以歸家。
而在學期的尾聲，所有presentation已完成，大部分也被派回來，付出與收穫是成正比的，尤其是在人手缺少的情況下。
現在只希望TPC能夠順利過關，GRAD TRIP能夠順利起行。
